Ang mga dayuhang nasyonal na naninirahan sa bansa ay obligado ding magbayad ng pambansang buwis (hal. income tax at consumption tax) at local taxes (hal. residents' tax).

(1) Income Tax
Ang Income tax ay ipinapataw sa kinita mula Enero 1 hanggang Disyembre 31. Maaaring magbayad ng buwis sa dalawang paraan.
(A) Maaring kayo mismo ang mag-file at magbayad ng iyong buwis.
(B) Withholding tax system, kung saan ang iyong employer ang nagpapasa ng iyong buwis mula sa iyong suweldo.
Sa ganitong kaso, ang empleado ay maaaring makakuha ng tax refund sa mga sumusunod na sitwasyon; mataas na gastusing medikal na higit pa sa nakasaad na halaga, halaga ng nawala dahil sa kalamidad, pagnanakaw o pandidispalko, o kaya'y kapag nangutang para makabili ng bahay. Para sa dagdag na detalye, magtanong sa tax office,city o town hall.

(2) Consumption tax
Lahat ng mga bilihin at serbisyo ay may dagdag na 5 % ng orihinal na presyo. Ito ay tinatawag na consumption tax. Ang buwis na ito ay isinasama sa sumatotal na kabayaran.

(3) Buwis ng Residente
Ang bawat mamamayan ay may binabayarang buwis, prefectural tax at municipal tax. Sa mga nakatira sa Fujimi-shi, binabayaran ang buwis mula Enero 1. Kailangang bayaran ang buwis, base at proporsyonal sa inyong kinita sa buong taon.

 Dalawang paraan ang pagbabayad ng resident's tax; ordinaryo at espesyal na pagkokolekta.

(1) Sa Ordinaryong paraan ay base sa pansariling assessment. Para sa mga negosyante, magsasaka at mga freelancers. Sila ay magbabayad ng buwis na hinati sa apat na bahagi sa pamamagitan ng pagsunod sa payment booklet na pinadala ng city hall.

(2) Kung ikaw ay nagtratrabaho para sa isang kumpanya, iniaawas ng iyong employer ang buwis at binabayaran ito kada buwan.